Ақтауда оқу-жаттығу кезінде қаза тапқан Сержан Аяпбергенді ақтық сапарға шығарып салды

Сержан Аяпберген Каспий теңізіндегі оқу-жаттығу барысында қаза тапқан. Оның әскери қызметін аяқтап, үйіне оралуына санаулы күн ғана қалған еді. Алайда сарбаз отбасына қайғылы хабармен оралды, деп хабарлайды Sn.kz ақпарат порталы.

Сержан спортта да жетістіктерімен танылған. Ол самбодан Қазақстан чемпионатының жүлдегері атанып, ТМД студенттері арасындағы жарыстарда жүлделі орындарға ие болған. Сонымен қатар дзюдодан республикалық және халықаралық турнирлерге қатысқан.