Маңғыстау облысы әкімінің бұрынғы орынбасары өмірден өтті

Марқұмның елге сіңірген еңбегі, іскерлігі мен адамгершілік қасиеттері оны таныған азаматтардың жадында сақталатыны атап өтілді.

Фото: facebook.com/tupqaragansayasat

Маңғыстау облысы әкімінің бұрынғы орынбасары Рахымбек Әміржанов 62 жасында өмірден өтті. Түпқараған ауданының әкімдігі марқұмның отбасы мен жақындарына көңіл айтты, деп хабарлайды Sn.kz ақпарат порталы.

Түпқараған ауданы әкімдігінің, аудандық ардагерлер кеңесі мен қоғамдық кеңестің атынан жарияланған көңіл айту хабарламасында Рахымбек Әміржановтың қайтыс болуына байланысты туған-туыстарының қайғысына ортақ екені айтылған.

Әкімдік өкілдерінің мәліметінше, ол саналы ғұмырын ел қызметіне және Маңғыстау өңірінің әлеуметтік-экономикалық дамуына арнаған. Мемлекеттік және қоғамдық қызметте өзін білікті басшы ретінде танытып, аймақтың өркендеуіне елеулі үлес қосқан.