«Медицинаға мазақ болған қарттық»: Қосшыда 82 жастағы кейуана айлап диагноз ала алмай жатыр

Қосшы қаласының 82 жастағы тұрғыны Гүлзада Әбдірахманова осы жылдың наурыз айынан бері ауыр сырқаттанып, төсекке таңылып қалған, деп хабарлайды Sn.kz ақпарат порталы.

Алайда арада бірнеше ай өтсе де, дәрігерлер әлі күнге дейін нақты диагноз қоймағандықтан, кейуанаға мүгедектік рәсімдеу мен тиісті көмек алу мүмкін болмай отыр. Науқастың жақындары Viamedis емханасының мүгедектік тағайындау жөніндегі комиссиясы белгіленген күнге бір күн қалғанда қабылдауды бас тартқанын айтып, дабыл қақты.

Жағдайды ушықтырған тағы бір жайт — емдеу мекемесінің базасынан бұрынғы шақыртулар мен өтініштер туралы жазбалар мүлдем өшіп кеткен, ал дәрігерлер «бізге ешкім жүгінген жоқ» деп жауапкершіліктен қашып отыр. Күннен-күнге халкі нашарлап, өздігінен тамақтана алмай қалған қарт ананың тағдырына жергілікті денсаулық сақтау басқармасы шұғыл араласып, құқықтық баға беруі тиіс.