Ақтауда ер адам әйелдің кіре берісте ілулі тұрған ішкиімін ұрлап кеткен (ВИДЕО)

Маңғыстау облысының орталығы Ақтауда тұрғын үй подъезінде кептіріліп тұрған әйелдер ішкиімінің ұрлануына байланысты тексеру басталды,  деп хабарлайды Sn.kz ақпарат порталы.

Оқиға сәті түсірілген бейнежазба жергілікті Instagram-пабликтердің бірінде жарияланды. Кадрлардан ер адамның подъездегі кептіргішке жақындап, әйелдерге арналған бюстгальтерді абайлап шешіп алып, пакетіне салғаны, кейін оқиға орнынан кетіп қалғаны көрінеді.

Аталған жағдайға Маңғыстау облысы полиция департаменті түсініктеме берді. Құқық қорғау органдары бұл дерек бойынша тексеру басталғанын мәлімдеді.

"Бейнежазбада бейнеленген ер адамның жеке басы анықталып жатыр. Тексеруден соң оның әрекеттеріне құқықтық баға беріліп, тиісті процессуалдық шешім қабылданады", – деп хабарлады полицияның баспасөз қызметі.