Автокөліктер мен қонақүйге жайылған: Астанада алапат өрт шықты (ВИДЕО)

Астанадағы Сарыарқа ауданында, Бекетай көшесіндегі ғимараттардың бірінде өрт шықты, деп хабарлайды Sn.kz ақпарат порталы.

Төтенше жағдайлар министрлігінің мәліметінше, өрт сөндірушілер екі қабатты ғимараттың гаражында екі автокөлік өртеніп жатқаны анықтаған. От ғимараттың жанында орналасқан төрт қабатты қонақүйдің шатырына дейін тараған.

Оқиға орнында жедел штаб ашылып, 2 өрт сөндіру учаскесі ұйымдастырылған.

Сағат 21:45-те өрт оқшауланып, 22:00-де сөндірілді. Өрт 150 шаршы метр аумақты қамтыған.