17 жастағы қазақстандық спортшы Азия чемпионатында топ жарды

Қазақстандық ауыр атлет Бейбарыс Ерсейіт Ташкентте өтіп жатқан 17 жасқа дейінгі спортшылар арасындағы Азия чемпионатында алтын медаль жеңіп алды, деп хабарлайды Sn.kz ақпарат порталы.

Ерсейіт 65 келіге дейінгі салмақта қоссайыс нәтижесі бойынша 281 келі (129+152) көтеріп, жарыстың жеңімпазы атанды.

Сонымен қатар қазақстандық спортшы жұлқа көтеру сайысында да үздік нәтиже көрсетті. Оның жұлқа және серпе көтерудегі көрсеткіштері U17 санатындағы Азия рекорды ретінде тіркелді.