«Қызым, мен үшін ерекшесің»: Асу Алмабаев бесінші рет әке атанды (ФОТО)

UFC-дегі қазақстандық жауынгер Асу Алмабаев қуанышты жаңалығын бөлісті, деп хабарлайды Sn.kz ақпарат порталы. 

Америкалық промоушнде өнер көрсететін қазақстандық файтердің отбасында сәби дүниеге келді. Сүйінші хабарды ол өзінің Instagram парақшасында жеткізіп, жаңа туған қызымен түскен суретін жариялады. Нәрестеге Ерекше деген әдемі есім берілген.

«Қызым, сен мен үшін Ерекшесің», - деп жазды Алмабаев әлеуметтік желідегі жазбасында.

Айта кетейік, UFC-дің аса жеңіл салмақ дәрежесіндегі рейтингінде жетінші орында тұрған спортшы осылайшы бес баланың әкесі атанып отыр. Бұған дейін 2023 жылдың желтоқсан айында төртінші баласы дүниеге келген еді.

Асу Алмабаев жеке өмірін көпшілікке жиі жариялай бермейді. Ол сұхбаттарында бірнеше рет көпбалалы әке екенін және отбасы оның өміріндегі ең басты құндылық екенін атап өткен.