Паралимпиада чемпионы Ербол Хамитов 160 млн теңге сыйақы алатын болды

Ол алтын медаль үшін мемлекеттен 250 мың доллар (шамамен 122 млн теңге) алады.

фото: olympic.kz

Италияда өткен XIV қысқы Паралимпиада ойындарында бір алтын және бір қола медаль жеңіп алған спортшы Ербол Хамитов жалпы шамамен 160 млн теңге көлемінде сыйақы алады, деп хабарлайды Sn.kz ақпарат порталы Sports.kz-ке сілтеме жасап.

Дереккөз мәліметінше, ол алтын медаль үшін мемлекеттен 250 мың доллар (шамамен 122 млн теңге) алады.

Ал қола медалі үшін 75 мың доллар, яғни шамамен 36 млн теңге сыйақы беріледі.