Қостанайдағы жылы аялдамалар қоқысқа толды: тұрғындар жауапты мекемелерден нақты жұмыс талап етуде

Қостанай қаласындағы жылы аялдамалардың санитарлық жағдайы тұрғындардың наразылығын туғызды, деп хабарлайды Sn.kz ақпарат порталы.

Әлеуметтік желіде жарияланған видеодан аялдама ішінің қоқысқа толып, шашылған заттардың жиналмағанын көруге болады.

Суық күндері жолаушылар паналайтын орындардың мұндай күйде болуы қоғамдық орындардың тазалығына жауапты мекемелердің жұмысына қатысты сұрақ туғызды. Тұрғындар аялдамаларды уақытылы тазалап, тиісті тәртіп орнатуды талап етіп отыр.

Алайда қалалық әкімдік пен тұрғын үй-коммуналдық шаруашылық саласына жауапты қызметтердің бұл жағдайға қатысты нақты түсініктеме бергені туралы ақпарат жоқ.

Жылы аялдамалардың тазалығына кім жауапты және олар қашан ретке келтіріледі?

Видео: @grinkevichmadina