«Ішкен-жегенімді құсып тастадым»: Гүлзира Айдарбекова денсаулығы сыр бергенін айтты

Гүлзира Айдарбекова Ташкенттегі шипажайда 11 күн ем қабылдағанын айтты Продюсер Гүлзира Айдарбекова әлеуметтік желідегі парақшасында Ташкенттегі шипажайда ем алып қайтқанын айтып, алған әсерімен бөлісті, - деп хабарлайды Sn.kz ақпарат порталы. 

Оның сөзінше, бастапқыда бес күнге ғана барғанымен, емнің нәтижесіне риза болып, 11 күн жатып қайтқан.

“Бекзада құдағиым, Аслан сіңлім үшеуіміз шипа жайында 5 күн ем аламыз деп барып, ұнағаны соншалық 11 күн жатып қайттық. Негізгі баруымның себебі: құрбымның өлімін естігенде бір сәтте асқазаным ауырып бастап кетті. Ташкентке құдаларыммен барғанымда, қанша білдірмеймін десем де ішкен-жегендерімді құсып тастап, мазам қаша беріп, бәрін уайымға салып қойдым. Сол қиындықтан өттім осы ем арқылы”.

Айдарбекова шипажайдағы емдеу тәсілдері мен қызметкерлердің жұмысына да жоғары баға берді.

“Таңғы смузиден кейін ине салады, одан кейін 90 минут массаж әр адамға, банкі қойып, парафинотерапия жасап, бұршақ қойып қара тердің бәрін шығарып, денедегі бүкіл суықты шығарып, түскі астан кейін система, уколдарымызды салып, сүлікке дейін қойып, өз моншаларын жағып, пилингке дейін әр адамға жасап жаныңызды рахаттандырады. Денсаулықтарыңызды күтіңіздер! Ауырмасаңыздар да барып, алдын алыңыздар! Жаңа туған баладай сезім осы жерде”, – деп жазды продюсер.

Желі қолданушылары Гүлзира Айдарбекованың жазбасына пікір қалдырып, денсаулығына тілектестік білдірді.