Елдос Сметов Азия ойындарына қатысады

2026 жылғы 19 қыркүйек пен 4 қазан аралығында Жапонияның Айчи–Нагоя қаласында ХХ Жазғы Азия ойындары өтеді, деп хабарлайды Sn.kz ақпарат порталы.

Құрлықтық доданың дзюдо бәсекелері 29 қыркүйек пен 2 қазан аралығында ұйымдастырылады.

Қазақстан дзюдо құрамасының бапкерлер кеңесі Азия ойындарына қатысатын ұлттық құраманың соңғы тізімін жариялады.

Ерлер құрамасы:

• 60 кг – Елдос Сметов

• 66 кг – Ғұсман Қырғызбаев

• 73 кг – Бақытжан Абдурахманов

• 81 кг – Алмат Әділет

• 90 кг – Айдар Арапов

• 100 кг – Марат Байкамуров

• +100 кг – Ерасыл Қажыбаев

Әйелдер құрамасы:

• 48 кг – Әбиба Абужақынова

• 52 кг – Меруерт Сәрсенова

• 57 кг – Дана Әбдірова

• 63 кг – Эсмигүл Куюлова

• 70 кг – Ажар Асхат

• 78 кг – Екатерина Токарева

• +78 кг – Аида Тойшыбекова

Биылғы Азия ойындарында Қазақстан құрамасы тәжірибелі спортшылар мен болашағынан зор үміт күттіретін жас балуандардың үйлесіміне сенім артып отыр.

Құрама көшбасшыларының қатарында Париж-2024 Олимпиадасының чемпионы Елдос Сметов пен аталған ойындардың қола жүлдегері Ғұсман Қырғызбаев бар. Екеуі де Азия ойындарында Қазақстан қоржынына жүлде салуға басты үміткерлердің бірі саналады.