Бибісара Асаубаева Қазақстан Әнұранын рояльда орындады (ВИДЕО)

"Тағы бір хобби".

Фото: видеодан скриншот

Әлемге әйгілі қазақстандық шахматшы Бибісара Асаубаева тағы бір өнерімен көпшілікті таңғалдырды, деп хабарлайды Sn.kz ақпарат порталы.

Бұл жолы ол рояльда ойнап, әлеуметтік желідегі оқырмандарына жаңа хоббиін көрсетті.

22 жастағы спортшы Қазақстан Республикасының Мемлекеттік әнұранын рояльда орындап, бейнежазбаны Instagram парақшасында жариялады.

«Тағы бір хобби. Керемет орындадым деп айта алмаймын, бірақ барымды салдым. Бұл – небәрі 5–6 сабақтың нәтижесі», – деп жазды шахматшы жариялаған рилсінің сипаттамасында.