Бұл туралы Ақорда мәлімдеді.
Президент Қасым-Жомарт Тоқаевтың Жарлығымен Әлихан Смайылов Қазақстан Республикасы Жоғары аудиторлық палатасының Төрағасы қызметіне тағайындалды, деп хабарлайды Sn.kz ақпарат порталы.
Әлихан Смайылов 1972 жылғы 18 желтоқсанда Алматы қаласында дүниеге келген. 1994 жылы әл-Фараби атындағы Қазақ мемлекеттік ұлттық университетін «Қолданбалы математика» мамандығы бойынша тәмамдаған. 1996 жылы Қазақстан менеджмент, экономика және болжау институтында білім алып, мемлекеттік басқару магистрі дәрежесін алған.
Еңбек жолын 1993 жылы бастап, түрлі жылдары Ұлттық статистика агенттігінде, Президент Әкімшілігінде және басқа да мемлекеттік құрылымдарда қызмет атқарды.
1999-2003 жылдары Статистика агенттігін басқарды. Кейін Сыртқы істер вице-министрі, Қаржы вице-министрі, «ҚазАгро» ұлттық холдингі» АҚ президенті және Статистика агенттігінің төрағасы қызметтерін атқарды.
2015-2018 жылдары Қазақстан Республикасы Президентінің көмекшісі, 2018-2019 жылдары Қаржы министрі болды. 2019-2021 жылдары Премьер-министрдің бірінші орынбасары – Қаржы министрі қызметін атқарды.
2022-2024 жылдары Қазақстан Республикасының Премьер-министрі болды. Ал 2024 жылғы сәуірде Жоғары аудиторлық палатаның төрағасы қызметіне тағайындалған.
Әлихан Смайылов «Парасат» орденімен және бірқатар мемлекеттік медальдармен марапатталған.
Енді ол Жоғары аудиторлық палатаның төрағасы қызметін атқарады.