Әлемнің абсолютті чемпионы Жәнібек Әлімханұлымен жекпе-жек өткізуге ниет білдірді

Әлемнің абсолютті чемпионы Теренс Кроуфорд қазақстандық Жәнібек Әлімханұлымен болашақта кездесу мүмкіндігін меңзеді, деп хабарлайды Skifnews.kz ақпарат порталы 1bol.kz-ке сілтеме жасап.

Америкалық боксшы Колумбияның Богота қаласында өтіп жатқан Дүниежүзілік бокс ұйымының (WBO) 38-конвенциясына қатысып, Instagram парақшасында бейнеролик жариялады. Кадрда LED-голограммада алдымен Кроуфордтың өзі бейнеленіп, сәлден кейін экранда WBO және IBF нұсқалары бойынша орта салмақтағы әлем чемпионы Жәнібек Әлімханұлының суреті пайда болады.

Бұл детальды байқаған AccordingToBoxing X-парақшасы былай деп жазды:

«Теренс Кроуфорд 2026 жылы Жәнібек Әлімханұлымен „абсолют“ үшін жекпе-жекке ниетін білдірді ме? Иә, солай сияқты. Ол камераны тым тез алып кетті — бұл жай сәйкестік емес!»