«Жаңбыр жауып, үсік жүреді»: Апта басында ауа-райы қандай болады?

"Қазгидромет" РМК мамандары 2025 жылдың 22 қыркүйегінде Қазақстан аумағы бойынша ауа райы қандай болатынын айтып, өз болжамдарымен бөлісті, деп хабарлайды Skifnews.kz ақпарат порталы.

Синоптикалық болжамға сәйкес, жауын-шашынсыз ауа райы еліміздің тек шығыс өңірлеріне тән. Ал еліміздің қалған аумақтарында найзағай ойнап, жаңбыр жауады, солтүстік өңірдің жекелеген аудандарында бұршақ жаууы да мүмкін.

Республика бойынша ортақ табиғи құбылыс - желдің екпін алуы, еліміздің оңтүстігінде шаңды дауыл тұрса, солтүстігінде қатты жел соғып, түнде және таңертең тұман болады деп болжанады.

Түнде Абай облысының батысында, Шығыс Қазақстан облысының шығысында сынап бағаны 1 градус суықты көрсетіп, үсік жүреді деп күтіледі.

• Батыс Қазақстан облысының солтүстігінде, Атырау облысының шығысында, Маңғыстау, Қостанай облыстарының оңтүстігінде өрт қаупі жоғары.
• Түркістан, Қызылорда облыстарында, Атырау облысының солтүстігінде, оңтүстігінде, шығысында, Жамбыл өңірінің батысында, солтүстігінде, орталығында, Маңғыстау облысының солтүстік-батысында, оңтүстік-шығысында, батысында, оңтүстігінде, Батыс Қазақстан облысының шығысында, батысында, солтүстігінде, солтүстік-шығысында, Ақтөбе облысының орталығында, солтүстігінде, Алматы облысының орталығында, Қарағанды облысының оңтүстігінде және Ұлытау облысында, Жетісу облысының батысында, шығысында төтенше өрт қаупі күтіледі.