Қостанайда бірден бес көлік соқтығысты

Қостанай қаласында таңғы уақытта ірі жол апаты болды, деп хабарлайды Skifnews.kz ақпарат порталы.

Сағат 8:00 шамасында Карбышев көшесінде бірден бес көлік соқтығысып, тұрғындардың зәресін ұшырды. Оқиға орнына жедел жәрдем мен полиция қызметкерлері жетті. Қазір жол апатының нақты себептері анықталып жатыр.

Құқық қорғау органдары ресми ақпаратты жақын арада жариялайтынын хабарлады.