Димаш Құдайберген халықаралық беделді марапатқа ие болды (ВИДЕО)

Әнші фестивальде "Fire" композициясын орындап, қытайлық тыңдармандардың ықыласына бөленді.

Фото: dimashnews.com

Қытайдың Макао қаласында өткен "Weibo Cultural Exchange Night 2026" салтанатты кешінде Қазақстанның Халық әртісі Димаш Құдайберген өнер көрсетті, деп хабарлайды Sn.kz ақпарат порталы.

Әнші фестивальде "Fire" композициясын орындап, қытайлық тыңдармандардың ықыласына бөленді.

Шара қорытындысында Димаш Құдайбергенге Weibo Macau China тарапынан "Халықаралық мәдени алмасуға қосқан жылдық үлесі үшін" марапаты табысталды.

Фестивальдің Қызыл кілемінде көпшіліктің ыстық ықыласына бөленген Димаш Құдайберген Макаоның «МайМай» тұмарымен бірге мәдениет пен туризм арасындағы байланысты бейнелейтін көркем көрініс қалыптастырды.