«5 жыл ғашық болған»: Құрмаш Махан хит әндерінің бәрін жамбылдық қызға арнап жазғанын айтты (ВИДЕО)

Белгілі әнші, композитор Құрмаш Махан өзінің тындарманның сүйіктісіне айналған әндерінің тарихымен бөлісті, деп хабарлайды Skifnews.kz ақпараттық порталы.

Ол бұл туралы “Қызық Live” бағдарламасына берген сұхбатында баяндады. 

Барша қазақтың жүрегінен ойып тұрып орын алған, “Аңсарым”, “Кездесу мен қоштасу”, “Аяулым”, “Жан сырым”, т.б  әндері әншінің музасына айналған, 5 жыл қарым-қатынаста болған Жамбылдық аруға арналған. 

Әнші қазір ол қыздың бөлек жанұясы, бала-шағасы бар екендігін айтты.

Сол себепті оның атын атап, түсін түстемеді. Өзінің де кейін отбасылы болғанын айтты. 

Сөзінше, 5 жыл ғашық боп жүрген махаббатына әнші 9 ән арнаған. Көптің көңілінен шыққан “Жан сырым” әнін туған күніне арнап шығарғанын да еске түсірді. Алғашқы махаббат вальсін де сол күні билегенін айтты. 

Сұхбат барысында жүргізушілер Құрмаш Маханнан “жұбайыңыз ренжімей ме?” деп сұрады. 

“Жеңгелерің керісінше, үнемі қуанады. Менің басты қолдаушым ғой. Орден беру керек”,- деді.