«Исламға тоқтайтын уақыт келді»: UFC аңызы Махачевке үндеу жасады

UFC Даңқ залының мүшесі, UFC және ONE Championship ұйымдарының бұрынғы чемпионы Деметриус Джонсон Ислам Махачевтің спорттағы болашағына қатысты пікір білдірді, деп хабарлайды Sn.kz ақпарат порталы.

Америкалық файтердің айтуынша, Махачев мансабының соңғы кезеңіне жақындаған. Ол ресейлік спортшыға октагонда тағы бір-екі жекпе-жек өткізіп, кейін кәсіби мансабын аяқтауды ойластырған дұрыс деп санайды.

«Егер Ислам тағы екі немесе тіпті бір жекпе-жек өткізсе, оған тоқтайтын уақыт келеді. Осымен жеткілікті, енді басқа жігіттердің кезегі. Хабибке қараңыздар: ол әлі де жекпе-жек өткізе алар еді, бірақ қазір командасының жанында жүріп, сол күйзеліс пен толқуды сезінеді. Оның бір бөлігі әлі де октагонда қалғандай», — деді Джонсон.

Джонсон Махачев мансабын аяқтағаннан кейін де командасымен бірге қалып, жас спортшыларға қолдау көрсете алатынын атап өтті.

«Оларда Усман, Умар және өсіп келе жатқан басқа да жігіттер бар. Ислам олармен байланысын үзбей, қолдау көрсете алады. Ең бастысы — оған бұдан әрі өз денесін соншалықты қатерге тігудің қажеті болмайды», — деп қосты ол.

Айта кетейік, UFC 330 турнирінде Ислам Махачев жартылай орта салмақтағы чемпиондық белбеуін қорғап, ирландиялық Иэн Гэрриді төрешілердің бірауыздан шешімімен жеңген болатын.