«Иә, неге шықпасқа?»: Геннадий Головкин рингке қайта оралғысы келетінін жасырмады

Қазақстандық әйгілі боксшы Геннадий Головкин ұлттық құраманың 2025 жылы Англияның Ливерпуль қаласында өткен әлем чемпионатындағы жеңісінен кейін рингке қайта шығу мүмкіндігін жоққа шығармады, деп хабарлайды Skifnews.kz ақпарат порталы.

ҚР Ұлттық олимпиада комитетінің президентімен бірге тарихи додаға қатысқан Головкин BoxingScene басылымына берген сұхбатында қазақстандық боксшылардың табысы өзіне ерекше әсер еткенін айтты. «Жігіттердің жеңістерінен кейін рингтегі ескі сезімдерім қайта оянды», — деді ол.

«Иә, неге шықпасқа? Мұнда өзімнің ескі эмоцияларымды сезіндім», — деді Головкин рингке қайта оралу мүмкіндігі жайлы сұраққа. Алайда ол қарсыласы мен мерзімі туралы ештеңе ашқан жоқ. «Бұл — менің құпиям», — деп қысқа қайырды спортшы.