29.08.2025, 11:40

«Қайрат» - «Реал Мадрид»: Атақты Мбаппе Қазақстандағы ойынға келе ме

Фото: David Ramos / Staff / Getty Images Sport / Gettyimages.ru

Мбаппе немесе Винисиустан Қазақстанға барасың ба, жоқ па деп ешкім сұрамайды.

Ресейлік маман Дмитрий Черышев Чемпиондар лигасының жалпы кезеңіндегі алматылық «Қайраттың» қарсыластарына байланысты жеребе туралы пікір білдірді, деп хабарлайды Skifnews.kz ақпарат порталы.

«Қайрат» бірінші турда өз алаңында мадридтік «Реалмен» ойнайды.

«Бұл – Чемпиондар лигасы. Сондықтан «Реалдың» әрбір ойындағы ұпайы алтынға бергісіз. Команда уақыт өткізу үшін алаңға шықпайды. «Реалдың» мақсаты – Чемпиондар лигасын жеңу. Ол жерде өз ісіне аса жауапкершілікпен қарайтын футболшылар ойнайды. Мбаппе немесе Винисиустан Қазақстанға барасың ба, жоқ па деп ешкім сұрамайды. Барлығы дайындалады. Бұл басты критерий», – деді Черышев Championat.com сайтына берген сұхбатында.

Маман сондай-ақ логистика тұрғысынан қиындық болмайтынын атап өтті:

«Қазақстанға жетудің еш қиындығы жоқ. Сіздер түсінесіздер, «Реал» чартерлік рейспен ұшады. Тек белгілі бір аумақты айналып өтеді, сондықтан шамамен бір сағатқа ұшу уақыты ұзарады», - дейді ол.Мбаппе мен Винисиустың «Қайратпен»

Айта кетейік, «Қайрат» өз тарихында алғаш рет Чемпиондар лигасының жалпы кезеңіне жолдама алды.