Жәнібек Әлімханұлы супер айқас алдында үн қатты

Орта салмақта IBF және WBO чемпионы Жәнібек Әлімханұлы (17-0, 12 KO) америкалық Теренс Кроуфордқа (41-0, 31 KO) қолдау білдірді, - деп хабарлайды Skifnews.kz ақпарат порталы Massaget.kz-ке сілтеме жасап. 

4 мамырға қараған түні Сауд Арабиясының Эр-Рияд қаласында өткен бокс кешінде мексикалық Сауль "Канело" Альварес (63-2-2, 39 KO) кубалық Уильям Скуллды (23-1, 9 KO) төрешілер шешімімен жеңіп, IBF белбеуін алып, екінші орта салмақта қайтадан абсолют чемпион атанды.

Кроуфорд пен Канело арасындағы жекпе-жек 2025 жылғы 12 қыркүйекте Лас-Вегаста (АҚШ) өтеді. Бұл айқас TKO Boxing атты жаңа промоушеннің алғашқы шоуы болады. 

"Сәттілік", – деп жазды Жәнібек әлеуметтік желіде.

Сарапшылар мен жанкүйерлер бұл кездесуді жылдың басты бокс оқиғасы деп бағалап отыр.

Айта кетейік, Теренс Кроуфорд екі салмақта абсолют чемпион болған.