$ 444.4 € 488.97 ₽ 5.39

Алматыда бірқатар кандидат мәслихат сайлауынан шеттетілді

Тиісті хабарламалар Алматы әкімдігінің ресми сайтында жарияланды.

Фото: Pixabay
Фото: Pixabay

Алматы қаласы аумақтық сайлау комиссиясы мәслихат депутаттығына сайлауға түспек болған бірнеше кандидат тіркеуінің күшін жойды, деп хабарлайды Sn.kz ақпарат порталы.

Тиісті хабарламалар Алматы әкімдігінің ресми сайтында жарияланды. Атап айтқанда, № 13 бірмандатты аумақтық сайлау округі бойынша аймақтық сайлау комиссиясы екі кандидаттың — «Репродуктивті медицина институты» ЖШС колл-орталығының басшысы Айнара Нұрдин мен бірнеше ұйымда басшылық қызмет атқаратын Бибек Жүнісовтің тіркеуі алынып тасталған.

Сонымен қатар 17 қарашада № 8 округ бойынша аймақтық сайлау комиссиясы депутаттыққа өзін ұсынған «Жасыл Алматы» КММ саябақтарды күтіп-ұстау бөлімінің бастығы Самат Сағымбеков тіркеуінің күшін жойды. Жалпы қараша айының басынан бері Алматыда мәслихат сайлауына қатыспақ болған 17 кандидаттың тіркеуі тоқтатылды.

Бұған дейін № 12 сайлау округі бойынша «Сен үшін — Ради тебя» қоғамдық қорының президенті және «Халықаралық құқықтық альянс» ЖШС бас директоры Эльмира Таубаева тіркеуінің күші жойылған болатын. № 5 округ бойынша Қазақстан тұтынушыларының ұлттық лигасының президенті Светлана Романовскаяның тіркеуі жойылды.

Одан бөлек № 1 округ бойынша «NURKENT SAUDA» ЖШС директоры Ернар Биіковтің, № 3 округ бойынша № 29 қалалық емхананың бухгалтері Айзада Мұхамбетқалидің, № 4 округ бойынша «FIRST» кәсіби бухгалтерлер ұйымы кеңесінің төрағасы Шолпан Бертісбаеваның тіркеуі күшінен жойылды.

№ 5 округ бойынша «Pactum Verny заң компаниясы» ЖШС заңгер ассистенті Диас Тілебалғановтың, № 6 округ бойынша қалалық жедел медициналық жәрдем қызметінің директоры Арман Тойбековтің, № 10 округ бойынша «Хан Тәңірі ТК» МИБ төрағасы Талғат Шолановтың тіркеуі жойылды.

Дәл осындай шешімдер № 15 округ бойынша «ҚАҒАЗ ИНВЕСТМЕНТС» АҚ бас директоры Серік Шынтасовқа және № 16 округ бойынша «СК Пром Индустрия» ЖШС директоры Қуат Бейсембаевқа қатысты қабылданды.

Тіркеудің күшінен жойылуы ең көп № 21 сайлау округінде тіркелді. Мұнда сайлау додасынан бірден төрт кандидат шығып қалды: Сәбит Молдағалиев, Станислав Әбілев, Елена Сергеева және Дмитрий Лактюшин.

Жарияланған хабарламаларға сәйкес, кандидаттардың тіркеуін күшінен жоюға «Қазақстан Республикасындағы сайлау туралы» Қазақстан Республикасы Конституциялық заңының 104-бабы 6-1-тармағының 3 және 4 тармақшаларының ережелері негіз болған.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0