Бірнеше өңірде ауа райына байланысты ескерту жарияланды

Қазгидромет 30 желтоқсанда бірнеше өңірде ауа райына байланысты ескерту жариялады. 

Қарағанды облысының оңтүстігінде тұман күтіледі. Солтүстік-шығыстан жел соғады, облыстың оңтүстік-батысында желдің екпіні 15-20 м/с күтіледі. 

Қызылорда облысының орталығында тұман сақталады. Жел солтүстік-шығыстан, шығыстан соғады, күндіз облыстың орталығында 15-20 м/с жетеді. 

Түркістан облысының батысында,таулы, тау бөктерлі аудандарында тұман күтіледі. 

Батыс Қазақстан облысының солтүстік-шығысында тұман түседі. Жел шығыстан, оңтүстік-шығыстан соғады, облыстың оңтүстік-батысында екпіні 15-20 м/с жетеді. 

Ақтөбе облысының солтүстігінде тұман күтіледі. Шығыстан, оңтүстік-шығыстан жел соғады, күндіз облыстың орталығында екпіні 18 м/с күтіледі. 

Атырау облысының солтүстігінде және орталығында жаяу бұрқасын, тұман, көктайғақ болады. 

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.