ШҚО-да жеке үйде өрт шығып, әйел екі баласымен қаза тапты

Шығыс Қазақстан облысы Глубокое ауданындағы Бобровка ауылында тұрғын үй өртенді, деп хабарлайды Sn.kz ақпарат порталы. 

Өртті сөндіру барысында әйел адамның және екі кәмелетке толмаған баланың денелері табылды.

Облыстық төтенше жағдайлар департаментінің мәліметінше, өрт сөндіру бөлімшелері оқиға орнына жедел жетті. Құтқарушылар келген кезде тұрғын үй толығымен отқа оранып, шатырдың бір бөлігі құлаған.

Өрт 63 шаршы метр аумақта толық сөндірілді.