Тыйымға қарамай бітіру кешін өткізгендерге не болады? Министр жауап берді

Биыл Оқу-ағарту министрлігі мектеп бітіру кештерін мектептен тыс жерде өткізбеу туралы талап қойғанымен, өңірлерде ата-аналар тарапынан мейрамхана мен кафелерді алдын ала брондау жалғасып жатыр, деп хабарлайды Sn.kz ақпарат порталы.

Осыған байланысты «тыйымды елемегендерге қандай жауапкершілік қарастырылған?» деген сұрақ қоғамда қызу талқылануда.

Осы мәселеге қатысты бүгін Оқу-ағарту министрі Жұлдыз Сүлейменова пікір білдіріп, мектептен тыс форматта ұйымдастырылатын бітіру шараларына байланысты ұстанымын айтты.