Дарақылық боғына осы сүңгігені сүңгіген
Журналист Сәуле Әбілдаханқызы тойға 100 адамнан артық адам шақырмауға кеңес берді. Бұл туралы ол Facebook желісіндегі парақшасында жазды, деп хабарлайды Sn.kz ақпарат порталы.
”Бұ қазаққа 100 адамнан артыққа той жасауға заң жүзінде тыйым салмай, даму жоқ. Надандық қорасына осы кіргені кірген. Несие балшығына осы батқаны батқан. Дарақылық боғына осы сүңгігені сүңгіген”, — деп жазды журналист.
Бұған дейін журналист түнгі 12-де туған күнмен құттықтауға тыйым салуды ұсынған еді.
”Қысқасы, түнгі 12-де туған күн деп дүрлігуді қойыңдар, қазақтар. Балаларыңа соны айтып түсіндіріңдер. Бұл мәселені ата-ана да, мектеп те, колледж де, ЖОО да балалардың миына жеткізіп, санасына сіңіріп тұрып айтып, түсіндіріп, керек болса, ұрсып, тоқтату керек”, — деп жазған еді журналист Сәуле Әбілдаханқызы.