Бір ай ішінде халық саны 17,1 мыңнан астам адамға артқан.
Ұлттық статистика бюросы 1 шілдедегі жағдай бойынша Қазақстанда қанша адам тұрғанын хабарлады, - деп хабарлайды Skifnews.kz ақпарат порталы.
Ұлттық статистика бюросының мәліметінше, Қазақстан халқының саны 20 387 811 адамға жеткен. Бір ай ішінде халық саны 17,1 мыңнан астам адамға артқан. 1 маусымда елде 20 370 672 адам тұрған.
Халық саны ең көп өңірлер:
Алматы – 2 319 893 адам; Түркістан облысы – 2 150 228 адам; Алматы облысы – 1 578 089 адам; Астана – 1 576 337 адам.Халқы миллионнан асатын өңірлер:
Шымкент – 1 277 743 адам; Жамбыл облысы – 1 220 041 адам; Қарағанды облысы – 1 132 697 адам.Халық ең аз қоныстанған өңірлер:
Ұлытау облысы – 220 266 адам; Солтүстік Қазақстан облысы – 518 049 адам; Абай облысы – 599 449 адам.Сондай-ақ, Қазақстан тұрғындарының көпшілігі қалада тұрады – 12 899 438 адам. Ауылдық жерлерде 7 488 373 адам өмір сүреді.