«Бақытқа бөледің»: Тұрсынбек пен Мөлдір қыздарының соңғы қоңырауына бірге барды (ФОТО)

Тұрсынбек Қабатов пен Мөлдір Мұқанова екінші қызы Айымның мектеп бітіру кешінде көзге түсті, деп хабарлайды Sn.kz ақпарат порталы.

Белгілі болғандай, Айым Тұрсынбекқызы 11-сыныпты аяқтап жатыр. 

"Ақ колготки, ақ бантик тағып, ақ күртешеңді үтіктеп, оқу-құралдарыңды түгендеп, күнде таңда оятып, еркелетіп сабағыңа апарған әр сәтіміз есімде. Достарың да көп, білімге де құштар болып, мектептің де әр іс-шарасында белсенді қатысып, жүлделі орындар алып жүрдің. 

Тәттім менің, оқушылық кезеңіңді ақылмен, санамен аяқтағаның үшін, әр жетістігіңмен мені аналық бақытқа бөлегенің үшін рақмет", - деп жазды Мөлдір Мұқанова. 

Тұрсынбек Қабатов та желідегі парақшасында қызын құттықтап, ақ тілегін арнады.