«Келін екеуіне ырымдап бата бергем»: Сәкен Майғазиев Елдос «Колобоктың» балалы болуына себепкер екенін айтты (ВИДЕО)

Танымал әнші Сәкен Майғазиев блогер Елдос Колобоктың балалы болуын тілеп, ырымдап бата бергенін айтты, деп хабарлайды Skifnews.kz ақпарат порталы.

Сәкеннің сөзінше, ол Мейрамбек Беспаевтың көкпар тойында екі жасқа ырымдап олжалаған ақшасын берген. 

«Жарасымды жұп үшін қатты қуаныштымыз! Елдостайдың  бір сұхбатын көріп қалып, тілектес болып жүргендердің бірі біз едік. 2023 жылдың қарашасында Мейрамбек досым бата көкпар беріп, мен он мың теңге олжалағам. «Сол бата дарып, сендерге де перзент жұғысты болсын», - деп сол он мың теңгені Елдосқа ұсынып, келін екеуіне бата беріп ем. (Дереу ескертіп қояйын, әулиелігім жоқ) Ниет қой. Әрине, бәрі бір Алланың қалауы, ата-ананың дұғасы, көптің тілеуі, екі жастың сенімі. Сол үшін бір-бірімізге жақсы сөз айтып, жақсы ойда жүрейік. Алла Тағала салиқалы, саналы, иманды, білімді, өнерлі ұрпақтар сыйлай берсін. Сәби күтіп жүрген жандарға жұғысты болсын. Біз де екінші перзентімізді 15 жыл күткенбіз. Махаббаттарыңыз баянды, берік болсын!», - деп жазды әнші.